منتديات مرسى الجروح



 
الرئيسيةس .و .جالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» اليكم صور احد اقصر 18 شخصا على الكرة الارضية
الخميس نوفمبر 11, 2010 7:55 am من طرف العاشق

» حب من طرف واحد
الإثنين فبراير 08, 2010 1:06 am من طرف الامبراطورة

» الباشا تلميذ يا امبراطورة
الأربعاء ديسمبر 30, 2009 1:22 am من طرف الباشا

» أليك ايتها الامبراطورة
السبت ديسمبر 19, 2009 1:12 am من طرف الباشا

» صفة وضوء النبي (صلى الله عليه وسلم)
الثلاثاء ديسمبر 15, 2009 5:57 am من طرف aboabdellah

» ~[.. هكذا نخـــــسر ..]~
الثلاثاء ديسمبر 15, 2009 1:21 am من طرف الامبراطورة

» انواع الاحاسيس
الثلاثاء ديسمبر 15, 2009 12:56 am من طرف الامبراطورة

» رسالة في فضل الصحابة
الأحد ديسمبر 13, 2009 5:18 am من طرف aboabdellah

» حكم المسلسلات
الأحد ديسمبر 13, 2009 5:14 am من طرف aboabdellah

» حكم مشاهدت القنوات الاباحية و أفلام العري
الأحد ديسمبر 13, 2009 5:11 am من طرف aboabdellah

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
شايل جراح
 
M!ss ViP
 
SosoOo
 
العاشق
 
super human
 
ضاع الوفا
 
الــكاسر
 
thug life
 
soOoma
 
jo0ody
 

شاطر | 
 

 لقاء مع جكسوية معذبة الشعب السوداني كلو !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شايل جراح
نائب المدير
نائب المدير
avatar

سجلت في : 24/01/2009
عمري : 38
مشاركاتي : 274
برجي : الدلو
جنسي : ذكر

مُساهمةموضوع: لقاء مع جكسوية معذبة الشعب السوداني كلو !!   الجمعة فبراير 06, 2009 7:29 am

* انت منو؟

ـ انا الماشافوها كرهوها والسمعوها نبذوها انا الباعوضه بتقرص والنوناي السامعو دا انه صوتي انا.


* اسم الشهرة او الدلع؟
ـ انثى الانوفليس، سيده وجمالها فريد خلقوني للتعذيب


* مسقط الرأس؟
ـ يعني البرك البلاعات المستنقعات مجاري السوق العربي وكل الدروب المعطونة بالطين والوحل.


* السكن حاليا؟
ـ الحاج يوسف والكلاكلات وراس الشيطان والدنيا حلوه وانا بحب شباب ام بدة بلا صفقة.


* المهنة؟
ـ
اشيل دم من دا يمرض دا من دم دا لغاية ما يقول عندي حمى وبي صداع الم
واطلع ليه ام هلا هلا في راسو ويقعد يقول انا ما عيان جيبوا لي بخور
ويجنتر.


* اجمل اوقاتك؟
ـ بنمشي مشوار العصاري ونجي راجعين
في المغيرب ونتجمع ساعة المساء فرد الجناح لملم مصابيح النهار، ونتكيف في
عز الليل ونهوى الليل الهادي ما سمعت اللحو قال الليل بدورو الناس وانا
ليلي اخاف منو ما نحن السبب.


* اللون المفضل؟
ـ بحب اي بني ادم احمر لونو جسموا ومرات السادة اللونو خمري ويا ريت لو كان لونو سمح زي الدهب ولا القمح.


* مدحة؟
ـ من بعد الليل ما جن ناس ليلى جن نحن الباعوضات ناس ليلى ذااااتن


* اجمل فصول السنة
ـ حل الخريف حلا ووحلنا فيه وحلا


* لاعب كرة قدم
ـ فاروق«جبرة» لانو دي منطقتنا المفضلة وباعوض جيده عندو جلحات ومدغلب.


* فنان سوداني؟
ـ ابو اللمين لانو قال ليلي دون الناس كلو آهات كلو آهات


* كاتب تقري ليه؟
ـ المتنبي عشان قال:
وزائرتي كأن بها امر قبض فليست تزور الا في الظلام

* شخصية عالمية؟
ـ دراكولا. اقول ليه حبيبي تعال تعال نتلم ما دام الريد اختلط بالدم.


* نقطة الضعف الوحيدة.
ـ
المواطن العندو ناموسية مشبعة بس انا وراهو والزمن طويل بقول ليه لو طلعت
القمرة وجيت ولو حلفت بي رب البيت ما بسيبك مهما بكيت واتمسحت بالجاز
والزيت او جبت ليك علبه فليت او جريت.


* رسالة لمحمد احمد الغلبان
ـ بقول ليه مستحيل عن حبك اميل بساهر الليل انا يا جميل.


* بس دا مسكين ودمو كلو «موية فول»؟
ـ ما بسيبو اقول انساه دمو يزيد تزيد من تاني اوجاعي


* باقة ورد وفانسيدار وكلوركوين لمن تهديها؟
ـ لناس مشروع الخرطوم خالية من الملاريا وديل كرهونا العيشة ومحل قبلت القاهم معاي معاي زي ضلي.



* اغنية ترددينها هذه الايام؟
ـ
كلما اشوف طيارة الرش اغني واقول طيري يا طيارة وطيري قولي لعدويني لناس
الصحة دورياتكم مسخت وما ها سمحة وما بتسوي لينا شي ولا حتى القحة وليك يا
ولاية عظيم تقديري وطيري يا طيارة وطيييييري.
الرجوع الى أعلى الصفحة اذهب الى الأسفل
super human
مشرف
مشرف
avatar

سجلت في : 26/01/2009
عمري : 28
مشاركاتي : 75
برجي : الثور
جنسي : ذكر

مُساهمةموضوع: رد: لقاء مع جكسوية معذبة الشعب السوداني كلو !!   الثلاثاء فبراير 10, 2009 6:17 pm

الله يعذبها زي ماعذبتنا في الاجازات قولو امين
الرجوع الى أعلى الصفحة اذهب الى الأسفل
الــكاسر
عضوجديد
عضوجديد
avatar

سجلت في : 15/05/2009
عمري : 24
مشاركاتي : 71
برجي : الجدي
جنسي : ذكر

مُساهمةموضوع: رد: لقاء مع جكسوية معذبة الشعب السوداني كلو !!   الأربعاء يونيو 03, 2009 9:21 pm

هههههههههههههههههههههههههههاي والله لاكين لذيذة خلاص خلقوك للتعذيب يسلموو الاخ شايل جراح afro
الرجوع الى أعلى الصفحة اذهب الى الأسفل
 
لقاء مع جكسوية معذبة الشعب السوداني كلو !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسى الجروح :: المرسى الترفيهي :: شمارXشمار-
انتقل الى: