الصداقة واهم ما فيها

الصداقة اجمل شىء في الوجود من نواحي كثيرة فالصديق بقيف مع صديقو وقت الضيق اي الوقت البكون محتاج ليهو فيهو وفي بعض الناس بفسروا الصداقة بي حاجات تانية مثلا في بعض الاولاد بكونو ما راضيين ان اختهم يكون ليها اصدقاء حتي ولو كانت في الجامعة ومع ذلك بكون الولد عندو اكتر من صحبة ولا شنو يا شباب ختو خطين تحت كلمة بعض الانسان في الاول والاخير ما بيقدر يعيش من غير صديق مهما كان وفي صداقة بتتحول لي حب في الاخر ودي كمان ما حاجة بطالة ومرات الانسان بكون عندو كلام ما بيف\قدر يحكيهو لي اخوهو شقيقو لاكن بيحكيها لي اصحابو اي ان الصديق مرات بكون اكتر منه الاخ في البيت وعلى العموم ياجماعة زي ما قلت ليكم الصداقة اهم شيء في الوجود وما عايزة اطول عليكم وبتمى من الجميع انهم يشاركوني ارائم
وشكرا مع تحيات الامبراطورة

طيب انتي لخبطينا ياعسل بتتكلمي عن الصداقة بس
من اي ناحية؟
بين ولد وبت قصدك يعني ساكت ولا في الجامعة
ولاشنو بالظبط
عموما بصفة عامة وبغض النظر عن جنس الصديقين
هي من اجمل العلاقات في الدنيالانها احيانا بتكون ابدية
ومهما كان نوعا سواء قصيرة ولا طويلة في الحالتين
هي جميلة تفضل جميلة وتنتهي بذكرى برضو جميلة وحلوة
وشكرا موضوعك حلو يا عسل بس شوية ناقص حاجات