الجديد شديد

بخيل قال لمرتو , امبارح حلمت حلم عجيب
, حلمت انى اشتريت دستة برتكان , ودستة
موز , وكيلو عجوه, مرتو اتخلعت وقالت ليهو و
ليه التبزير ده , قال ليها اسكتى يا شيخه خلى
الاولاد ياكلو.

===================================

قالوا
ليك حلفاوي مسافر ببص من الخرطوم لحلفا ومن ما قام البص سواق البص مشغل
ليك إزاعة القران الكريم والحلفاوي قاعد يسمع لامن البصل وصل حلفا بس اول
ما نزل لاقوهو صاحبو قال ليهو يا زول جيت بشنو ، قام اشر للبص وقال لصاحبو
جيت بالجامع ده.

===================================

واحد جاهو هبوط فجاة مشى للدكتور , كتب ليهو دوا بعد
ساعة جه تانى , الدكتور قال ليهو , ما فاضل الا اكتب ليك برشوت


===================================

واحد داير يفتح موضوع مع عروستو و هم قاعدين في الكوشة و الظاهر زولنا هارش قام قال ليها ابوك و امك عارفين انك هنا؟

===================================

واحد
رباطابى جاهو ضيف وقام جاب ليهو العشا وكان بى لبن الرباطابى بيحب اللبن
البكون فى اخر الصحن ومنتظر الضيف يقوم والضيف دمو تقيل ما داير يقوم
الرباطابى زعل لكن كتم زعلو وحلف على الراجل عشان يشرب اللبن قام الضيف
مسك اللبن شربو كلو ما فضل حاجة الرباطابى خلاص ما قدر يصبر قال ليهو انت
طالما بتحب اللبن دا كدة مالك ما جيت راكب ليك فوق بقرة

===================================

عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم

===================================

عربى
مسافر بالباص أول مرة قام الباص انقلب والناس بقت زى الطماطم المعفصة الا
العربى دة قام يتنفض وداير يلبس مراكيبه ويمشى قام جاهو البوليس قال ليه
يا زول انت كنت فى الباص الاتقلب دة قام العربى قال ليه هو الباص اتقلب ؟
قام البوليس قال ليهو ونان انت قايل شنو ؟قام العربى قال ليهو والله أنا
قايل لمن يصلوا بكبوهم كدى

===================================

واحد
عربى جا الى الخرطوم , وقم ولده سالقو الكوفير. وفى الكوفير لقى تمثال
لابس ملابس للعرض سلم عليه ولده قال ليه يابوى دا تمثال ولما جاوا مارقين
لقى خواجا قاعد فى كرسى وعنده صلعة قام العربى ضربه فى الصلعة وقال يا
ولدى دا ما فضل ليه الا الكلام

===================================

ادروب
شغال بيحرس مخزن بتاع دقيق يوم شاف فى التلفزيون ساحات الفداء ولقى واحد
مجاهد بيقول والله كتلنا الخوارج وكانت معركة شرسة وكنا جيعانين بس فجاة
السماء نزل فينا دقيق وقمح . ادروب رجع المحزن وباع الدقيق كله وقبض الفلة
. الجماعة ناس الحكومة جوا تانى يوم سالوه :يا ادروب وين الدقيق . ادروب
قال ليهم : والله ادروب ليل كله امبارح ما نام الملائكةتشيل دقيق تودى جنوب

===================================

قالوا
في واحدة جنها تلبس اسكيرت ابو خطوة وحبوبتها ماراضية.يوم البت قالت
لحبوبتا ارح الحديقة الحبوبة قالت ليها باسكيرتيك دا ماماشة الا تخيتيهو
البت قالت يا حبوبة دي الموضة. وهم ماشين في الحديقة جا ولد ماشي وقال
للبت (شرط) .الحبوبة قالت ليها ماقلت ليكي خيطيهو

===================================

واحد
رباطابى رسلو ليهو جزمه جميله هديه قام سافر بيها الخرطوم وهناك انشرطت
وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام
الرباطابى قال ليهو ليه أ صلو بتخيطا بى بنج؟

===================================

واحد
قرايبنا لأول مرة يدخل المستشفى وكانت حرارته عالية جداً جداً 00 المهم
الدكتور قام دخّل ليهو الثيرمومتر في خشمه 00 قام قريبنا قال ليهو 00 مص
وللا أقرشه يا دكتور

===================================

مرة
واحد مسطول قاعد جنب موية المطرة ومبسوط جداً من منظر الموية الكتيرة ,
قام جاء واحد راكب عربية عاوز يعدي في الموية وخايف وسأل المسطول هل ممكن
أعدي ؟ ورد عليه المسطول طبعاً مافي مشكلة . ولما مشى شويه العربية غرقت
وطلع منها السواق زعلان من المسطول وقال ليهو ماقلت مافي مشكلة , رد عليه
المسطول والله حسي دي جات بطة مشت عديل

===================================

في
واحد كان راكب الحافلة والحافله خلاص اتملت ومافي مكان وعمناده كان راكب
مع الباب بعدين جاء واحد شاب وقال ليه يا حاج الحافله دي ماشه وين ، قال
ليه : يا ولدى اسى لو قلنا الحافله دى ماشه بيتكم بتركب وين ؟؟؟؟

===================================

واحد
رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو
يتونسو مسافة الرباطابى جاع جوعه شديدة قال لى صاحبو ياخى الزمن فات وانا
جيعان ياخى طلع لينا العشاء داء صاحبو قال لية ياخى العشاء ما بطلع الا
الكهرباء تجى... الرباطابى قال لى اصلو عشاء ولا شريط فيديو

===================================

قطر
كريمة كان زحمة شديدة جدا ، واحد معاه ولدوا الصغير يادوب لقي ليهو مساحة
نام في الممر ،وولدونام جنبو ، والدنياليل ، قام الرجل صحي فجأة ما لقي
ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه
قام لكز واحد رباطابي نايم جنبو وصحاه من النوم ، فقام الرباطابي زعل وقال
للراجل :- يازول بتلاكز مالك ؟ قام الراجل قال ليهو :- ياخوي بفتش علي
ولدي ..... قام الرباطابي رد عليهو بزعل :- ولدك دا إبريق ؟ ماتكوركلو

===================================

أثنين
زملاء وأصحاب جدا شغالين في شركة الكهرباء والد وأحد منهم إتوفي ، فزميله
لم يعزيه في وفاة والده ، ولم يشاطره أحزانه ، وشاء الله أن يتوفي والد
الآخر بعد شهر ، وطبيعي أن زميله لا يعزيه ، لأنه لم يعزيه في وفاة أبوهو
التي حدثت أولا ، فقابله زميله وهو زعلان وقال ليهو :- بالله مش عيب عليك
، نحن أصحاب وزملاء وأصدقاء ، أبوي يموت ماتجي تعزيني فيهو ؟؟؟؟ فرد عليهو
زميله :- باللـــــــــه !!!!! والدفناهو قبل شهر داك كان كيــبــــل !!!!

===================================

رمضــانيــــــات
وأحد كان عندو سحور مدنكل جدا ، ورمضان كان في عز الشتاء ، ( جوع شديد جدا
) وصاحبنا نام جوة الغرفة ، وساب الشبابيك مفتوحة ، وقال يصحى قبل الفجر
ويضرب السحور ، وشالتو نومة ، و ما صحي الا والشمس داخلة من الشباك وضاربة
فيهو ، فقام قفل الشبابيك ، وباب الأوضة ، ووقع ضرب في السحور ، فدخلت
عليهو زوجته ، وقالت ليهو بإندهاش :- سجمي ياراجل !!!! الواطه صباح وإنت
بتتسحـــر !!!! فرد عليها : يامره سـدي الباب دا .... يسـد حنكــك./

===================================

واحد
بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ،
وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد
بيمسك القفة من أضان لحدى ما يوصلوهو بيتو ، ، وفي يوم الجماعة شايلين
صاحبنا وهو مطين وغاطس لراسو في القفة ، شاف واحد سكران وماشي في الشارع
يمين شمال و بيترتح ، قام قاليهو :- إنتو وكت ما قادرين عليهو الجابركم
شنو ...؟؟؟

===================================

عم
عباس كان بيسكر مع أصحابو ، وبعد نهاية القعدة الجماعة نزلوهو في طرف الحي
عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في
نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال
لهم :- ياشباب لو سمحتو بيت عمكم عباس وين ...؟؟؟ فرد عليه الشباب :-
ماانت عمنا عباس زاتو !!!! فقال لهم :- أنا ما سألتكم من عمكم عباس !!!
سألتكم من بـيـتـــو....

===================================

واحد
زوجته ولدت ليهو ولد وعاوز يعمل السماية وظروفو صعبة مشى لجاره يستلف منه
حق السماية جاره قال ليهم والله انا ظروفى برضو صعبة لكن ما لازم تعمل
السماية بعد اسبوع ممكن بعد اسبوعين بعدين ربنا يمكن يفرجها عليك اخونا
سمع كلامه وقال خلاص يعمل السماية بعد اسبوعين قبل ما يتم الاسبوعين قام
جاره سألوا كيف الاخبار ان شاء الله الامور ماشة تمام ، جاره قال ليهو
والله تعيش انت الولد مات ، قام جاره قال ليهو انا ما قلت ليك ربنا حيفرجها

===================================

قال
ليك في ولد أمو حامل شاف بطن أمو كبيرة وقال ليها يمة الفي بطنك ده شنو
قالت ليهو ده ما أخوك يا حمودي، حمودي قال ليها بتحبيهو طبعاً زيما بحبك،
حمودي قال ليها وقت بتحبيهو أكلتيهو لي؟؟؟؟؟

===================================

وانشاء الله تعجبكم يا ناس يا عسل ..... وموعدنا انشاء الله مع المزيييييد

بشششششششششششششششششششششششششش

هههههههههههههههههههههههههههههههههههههههههههههه
كول